Ghazal :Afsanah e Hayat Ka Unwaan Tmheen To Ho



Ghazal :Afsanah e Hayat Ka Unwaan Tmheen To Ho

Dr.Ahmad Ali Barqi Azmi

Afsanah e hayaat ka ubwaan tumhin to ho
Taar e nafas hai jis se ghazalkhwaan tumhin to ho

Roshan hai tum se shama e shabistan e aarzoo
Mere neshaat e rooh ka saamaan tumhin to ho

Aabaad tum se khanah e dil tha mera magar
Jis ne kiya hai ab use veeraan tumhin to ho

Kuchh to bataao mhjh se ki aakhir kahaan ho tum
Noor e nigaah e didah e hairaan tumhin to ho

Main dekhta hoon bazm e negaaraan mein har taraf
Jo hai meri nigaah se pinhaan tumhin to ho

Karte ho baat baat mein kyon mujh se dil lagi
Jis ne kiya hai mhjhko pareshaan tumhin to ho

Kyon le rahe ho meri mohabbat ka imtehaan
Loota hai jis ne mera dil o jaan tumhin to ho

Hai mausam e bahaar mein bekaif zindagi
Mashshatah e uroos e bahaaraan tumhin to ho

Barqi ke intrzaar ki ab ho gaii hai had
uske tasawuuraat mein raqsaan tumhin to ho

Topical Poem on Valentine Day