Poetic Compliment To MANUU


یوم مادر:Mother’s Day



یوم مادر:Mother’s Day
Dr.Ahmad Ali Barqi Azmi

Yaum e maader sabhi manaate hain
Maan ki azmat ke geet gaate hain

Maan hai jinke wajood ki zaamin
Maan ko aksar woh bhool jaate hain

Maan ki mamta jahaan mein hai anmol
Muft mein jisko sab ganwaate hain

Maan ne ki jinki naaz bardaari
Naaz biwi ke woh uthaate hain

Ghar ki sheerazah bandi maan se hai
Maan na ho to yeh toot jaate hain

Unhein maaloom hai ki maan kyaa hai
Maan se jo log choot jaate hain

Maan ka jab bhi khayaal aata hai
Sote sote woh jaag jaate hain

Yeh khayaalaat hain bahut dilsoz
Neend raaton ki jo udaate hain

Maan ka woh qaul yaad hai mujh ko
Wadah karte hain jo nibhaate hain

Maan thee jab tak mujhe khayaal na thaa
Ab mujhe din woh yaad aate hain

Maan ka ne’amul badal naheen Barqi
Is liye jashn yeh manaate hain

GHAZAL : Qalb Hai Mera Ishq Se Sarshaar




GHAZAL : Qalb Hai Mera Ishq Se Sarshaar

DR.AHMAD ALI BARQI AZMI

Qalb hai mera ishq se sarshaar
Kis tarah iska main karoon izhaar

Kuchch bhi sunne ko jo na ho tayyar
Us se hai arz e mudd’aa bekaar

Jabhi iqraar hai kabhi inkaar
Uske tarz e amal se hoon bazaar

Kab tak aakhir sahoon main uske waar
Mujh se nahaq hai bar sare paikaar

Samne aaye to sahi mere
Gul khiaye gi baahami takraar

Aana hota agar to aa jaata
Sirf karta hai wadah e deedaar

Samne aaya nagahaan ek din
Kya bataa’oon main apna haal e zaar

Dekh kar usko ho gaya bekhud
Jab huein us se meri aankhein chaar

Neend aankhon se ho gaii kaafoor
Main hoon uske feraaq mein bedaar

Naqsh hain lauh e qalb par mere
Rukh e zeba ke uske naqsh o negaar

Khanah e dil mein ab naheen hai woh
Le gaya saath mera sabr o qaraar

Gham gusaari ka dam jo bharta thaa
Mera BARQI naheen hai woh ghamkhwaar