کچھ اور ہی سمجھے تھے ہوا اور ہی کچھ ہے : طرحی غزل نذر مولانا ابوالکلام آزاد

غزل
احمد علی برقیؔ اعظمی
بیمارِ محبت کی دوا اور ہی کچھ ہے
’’کچھ اور ہی سمجھے تھے ہوا اور ہی کچھ ہے‘‘
آزاد کی تحریر کا انداز الگ ہے
اقبال کے نغموں کی نوا اور ہی کچھ ہے
اس عہد میں ہر سمت ہے اک عالمِ محشر
ہے دل میں جو اک حشر بپا اور ہی کچھ ہے
بے سود قفس میں ہے ہر آسایشِ دنیا
پرواز کو آزاد فضا اور ہی کچھ ہے
جذبات میں اخلاص سے بڑھ کر نہیں کچھ بھی
بے لوث محبت کا مزا اور ہی کچھ ہے
فن پارے میں ہے پاس روایت بھی ضروری
تحریر کا اسلوب نیا اور ہی کچھ ہے
ہے کرب کا احساس جو جینے نہیں دیتا
ناکردہ گناہی کی سزا اور ہی کچھ ہے
زاہد کی ریا کار عبادت سے ہے افضل
اللہ کے بندوں کا بھلا اور ہی کچھ ہے
سیرت میں ہے جو حسن وہ صورت میں نہیں ہے
پاکیزگی و شرم و حیا اور ہی کچھ ہے
بے موت بھی مرنے پہ وہ کردیتا ہے مجبور
نظروں میں ہے جو تیرِ قضا اور ہی کچھ ہے
محدود ہے شاہوں کی گداؤں پہ نوازش
بندوں پہ یہ انعامِ خدا اور ہی کچھ ہے
یوں تو ہیں مشاہیر سخن شہرۂ آفاق

برقیؔ کی الگ طرزِ ادا اور ہی کچھ ہے

ڈاکٹر احمد علی برقیؔ اعظمی

***

ڈاکٹر احمد علی برقیؔ اعظمی اعظم گڑھ کے ایک ادبی خانوادے سے تعلق رکھتے ہیں۔ آپ کے والد ماجد جناب رحمت الہی برقؔ دبستان داغ دہلوی سے وابستہ تھے اور ایک باکمال استاد شاعر تھے۔ برقیؔ اعظمی ان دنوں آل آنڈیا ریڈیو میں شعبہ فارسی کے عہدے سے سبکدوش ہونے کے بعد اب بھی عارضی طور سے اسی شعبے سے وابستہ ہیں۔۔ فی البدیہہ اور موضوعاتی شاعری میں آپ کو ملکہ حاصل ہے۔ آپ کی خاص دل چسپیاں جدید سائنس اور ٹکنالوجی خصوصاً اردو کی ویب سائٹس میں ہے۔ اردو و فارسی میں یکساں قدرت رکھتے ہیں۔ روحِ سخن آپ کا پہلا مجموعہ کلام ہے۔

Tarique Azam Motivational Story by Saeed Ahmed Motivational Speaker: Courtesy:Saeed Ahmed

کچھ اور ہی سمجھے تھے ہوا اور ہی کچھ ہے : طرحی غزل نذر مولانا ابوالکلام آزاد

Picture Gallery Of Ahmad Ali Barqi Azmi With Literary Personalities

Poetic Compliment On 30th Anniversary Of World Wide Web By Ahmad Ali Bar...

Courtesy Newsmx TV-Ahmad Ali Barqi Azmi Reciting His Poetry In Mushaira Jashne Aaine Hind At Ghalib Academy New Delhi On Completion 2 years of Newsmx Tv

Ahmad Ali Barqi Azmi Recites His Ghazal in Literary Meet Of Adab Sarai Jamia Naga...

ڈاکٹر احمد علی برقیؔ اعظمی

***

روحِ سخن

ایک عالمی شام چار شعرا کے ساتھ

فیس بک پیج

مقبول اشاعتیں

زمرے

حالیہ نگارشات

محفوظات

مشاہدات