Ahmad Ali Barqi Azmi Recites His Naat in The Online International Natia Mushaira Of Sukhanwar Chicago

Hidayat Ki Roshni - Ahmad Ali Barqi Azmi (india) | Naat E Rasool By Urdu Shayari | Urdu Shayari

مئے عرفاں وہاں پینے کی دعائیں مانگوں

احمد علی برقی اعظمی

جوفرضِ عین تھا وہ نبھایا حسین نے

’’ دینَ محمدی کو بچایا حسین نے ‘‘

خونِ جگر سے سینچ کے میدانِ کربلا

گلزارِ دینِ حق کو سجایا حسین نے

شایاں ہے ان کو سیدِ شبان کا خطاب

جو پاسکا نہ کوئی وہ پایاحسین نے

’’ قتلِ حسین اصل میں مرگِ یزید ہے ‘‘

سچ کرکے اس کو رن میں دکھایا حسین نے

سردے کے راہ حق میں ہیں تاحشر سُرخرو

باطل کے آگے سر نہ جُھکایا حسین نے

نام و نشاں یزید کا باقی نہیں ، جسے

حَرفِ غَلط کی طرح مِٹایا حسین نے

اسلام کی بقا سے نہیں بڑھ کے اپنی جان

حسنِ عمل سے اپنے جتایا حسین نے

شیرِ خدا دکھاتے تھے جو رزمگاہ میں

برقی وہ کام کرکے دکھایا حسین نے

شاعر : ڈاکٹر احمد علی برقی 

کی خدا نے مصطفی  کی وہ پذیرائی کہ بس

ان کی کی عالم میں ایسی عزت افزائی کہ بس

ان کی کی عالم میں ایسی عزت افزائی کہ بس

ہے احادیث نبی میں ایسی دانائی کہ بس

ہیں محمد مصطفی کے ایسے شیدائی کہ بس

ان کے حسن خلق میں تھی وہ دل آرائی کہ بس

ذہن و دل پہ ایسی یاد مصطفیٰ چھائی کہ بس

ان کی زلفوں کی خدا نے یوں قسم کھائی کہ بس

گلشن ِ اسلام میں ہے ایسی پروائی کہ بس

روح پرور ان کی ایسی تھی جبیں سائی کہ بس

ذات اقدس میں ہے ان کے ایسی رعنائی کہ بس

ایسی جامع آپ نے تقریر فرمائی کہ بس

ان کے قول و فعل میں تھی ایسی گیرائی کہ بس