‏hamd-naat-manqabat لیبل والی اشاعتیں دکھا رہا ہے۔ سبھی اشاعتیں دکھائیں

Ahmad Ali Barqi Azmi Recites His Naat in The Online International Natia Mushaira Of Sukhanwar Chicago

Hidayat Ki Roshni - Ahmad Ali Barqi Azmi (india) | Naat E Rasool By Urdu Shayari | Urdu Shayari

عبدالرحیم حزیں اعظمی کے زیرِ صدارت بزم سخنواراں کے ۲۱۷ ویں عالمی آنلاین فی البدیہہ نعتیہ طرحی مشاعرے کے لئے میری طبع آزمائی

احمد علی برقی اعظمی

محبوب خدا ہیں وہ ہم جن کی ہیں امت میں

” دن رات گذاریں گے سرکار کی مدحت میں “

کرتا ہوں جو پیش ان کو اشعار کی صورت میں

خوشبوئے محبت ہے گُلہائے عقیدت میں

اظہار محبت ہے خلاق دوعالم کا

واللیل اذا یغشی قرآن کی آیت میں

مشغول زیارت ہیں جو گنبد خضرا کی

ہیں شاہ وگدا یکساں دربار رسالت میں

ہیں رحمتِ عالم وہ شیدا ہے خدا جن کا

کام آئیں گے محشر میں وہ سب کی شفاعت میں

تخلیقِ دوعالم کا سہرا ہے اُنہیں کے سر

سب لوح و قلم اُن کے ہیں سایۂ رحمت میں

کرسکتا نہیں کوئی توصیف رقم اُن کی

جو کچھ بھی لکھا جائے سرکار کی مِدحت میں

بھائی ہیں حزیں میرے ہے فخر مجھے ان پر

یہ نعت کی محفل ہے اب جن کی صدارت میں

معراج کا اے برقی حاصل ہے شَرَف جن کو

ہوگی نہ کمی واقع اُن کی کبھی عظمت میں

احمد علی برقی اعظمی

محبوب خدا ہیں وہ ہم جن کی ہیں امت میں

” دن رات گذاریں گے سرکار کی مدحت میں “

کرتا ہوں جو پیش ان کو اشعار کی صورت میں

خوشبوئے محبت ہے گُلہائے عقیدت میں

اظہار محبت ہے خلاق دوعالم کا

واللیل اذا یغشی قرآن کی آیت میں

مشغول زیارت ہیں جو گنبد خضرا کی

ہیں شاہ وگدا یکساں دربار رسالت میں

ہیں رحمتِ عالم وہ شیدا ہے خدا جن کا

کام آئیں گے محشر میں وہ سب کی شفاعت میں

تخلیقِ دوعالم کا سہرا ہے اُنہیں کے سر

سب لوح و قلم اُن کے ہیں سایۂ رحمت میں

کرسکتا نہیں کوئی توصیف رقم اُن کی

جو کچھ بھی لکھا جائے سرکار کی مِدحت میں

بھائی ہیں حزیں میرے ہے فخر مجھے ان پر

یہ نعت کی محفل ہے اب جن کی صدارت میں

معراج کا اے برقی حاصل ہے شَرَف جن کو

ہوگی نہ کمی واقع اُن کی کبھی عظمت میں

کی خدا نے مصطفیﷺ کی وہ پذیرائی کہ بس : بشکریہ ادب و ادیب نواز ناظم شعرو سخن ڈاٹ نیٹ ،کناڈا محترم سردار علی صاحب

کُنج ادب انٹرنیشنل گروپ کے پانچویں فی البدیہہ طرحی مشاعرے بنام سید الشہدا حضرت امام حسین ؓ کے لئے میری نذر عقیدت
احمد علی برقی اعظمی
ممکن نہ تھا جو کرکے دکھایا حسین نے
ناموسِ مصطفیٰﷺ کو بچایا حسین نے
جو اپنا فرض تھا وہ نبھاتے چلے گئے
دیکھا نہ کچھ بھی اپنا پرایا حسین نے
نقشِ قدم پدر کا پسر کو بھی تھا عزیز
سجدے میں اپنے سر کو کٹایاحسین نے
بچے ،جوان، بوڑھے سبھی ہوگئے شہید
جو کچھ تھا اپنے پاس لُٹایا حسین نے
کس کا لقب ہے سیدِ شُبان خُلد میں
جو پاسکا نہ کوئی وہ پایا حسین نے
شہدائے کربلا کے ہے خوں سے ہرا بھرا
گلزارِ دیں کو ایسے سجایا حسین نے
’’ قتلِ حسین اصل میں مرگِ یزید ہے ‘‘
سچ کرکے اس کو رَن میں دکھایاحسین نے
برقی رہیں گے زندۂ جاوید حشر تک
ایسا جہاں میں نام کمایا حسین نے

حمد باری تعالی
احمد علی برقیؔ اعظمی
ہے تو ہی عالم آرا پروردگار عالم
ہرسو ترا نظارا پرورگار عالم
کیسے کروں گذارا پروردگار عالم
بس ہے ترا سہارا پروردگار عالم
مختار کُل تو ہی ہے محتاج سب ہیں تیرے
کچھ بھی نہیں ہمارا پروردگار عالم
فضل و کرم سے اپنے تو بخش دے وہ مجھ کو
جو ہو تجھے گوارا پروردگار عالم
ہے بحرِ بیکراں میں جس کا گِھرا سفینہ
ملت ہے بے سہارا پروردگار عالم
میں گُل سمجھ رہا تھا جوشِ جنوں میں جس کو
ہے مثلِ سنگِ خارا پروردگار عالم
کر سکتا ہے مسخر تو دل کو اُس کے جس سے
میں جیت کر بھی ہارا پروردگار عالم
اظہارِ مدعا کیا اپنا کروں میں تجھ سے
ہے تجھ پہ آشکارا پروردگار عالم
فضل و کرم کا تیرے محتاج ہے یہ برقیؔ
رنج و الم کا مارا پروردگار عالم

ہفت روزہ فیس بُک ٹائمز کے زیرِ اہتمام ۸۶ ویں عالمی آنلاین فی البدیہہ طرحی مشاعرےکے لئے میری طبع آزمائی

احمد علی برقی اعظمی

ہرصاحب ایماں کو ہو رمضان مبارک

تسبیح و تراویح کا فیضان مبارک

رمضان جو اسلام کی ہے شان مبارک

جو جملہ عبادات کی ہے جان مبارک

اللہ کا بندوں پہ یہ احسان مبارک

تسکینِ دل و روح کا سامان مبارک

روحانی غذا سب کو جو کرتا ہے فراہم

ہر سال میں اک ماہ کا مہمان مبارک

اس ماہِ مبارک کو یہ حاصل ہے فضیلت

نازل ہوا جو اس میں وہ قرآن مبارک

مسجد میں ہیں محمود و ایاز ایک ہی صف میں

یہ عدل و مساوات کی میزان مبارک

قرآن مجسم ہے جو حفاظ کا سینہ

اس سینے کوگجینۂ عرفان مبارک

ہرشخص کو رمضان کی برکات ہوں حاصل

برقی کو بھی ہو اس کا یہ فیضان مبارک

زکی کیفی کی زمین میں انحراف کے ۳۷۰ ویں عالمی آنلائن فی البدیہہ طرحی مشاعرے کےلئے میری نعتیہ کاوش

احمد علی برقی اعظمی

ہر وقت تصور ہے مدینے کی زمیں کا

’’ نظروں میں مری آج بھی عالم ہے وہیں کا ‘‘

محرومِ سعادت کوئی ہوتا نہیں جس سے

فیضان ہے وہ گنبدِ خضری کے مکیں کا

معراج کا حاصل یے شَرف صرف اُنھیں کو

ہے کوئی سفر جس نے کیا عرشِ بریں کا

محبوب و مُحِب تھے شبِ معراج وہاں پر

جس جا نہ گذر ہوسکا جبریلِ امیں کا

تخلیق دوعالم کا سبب ذات ہے جن کی

ہے جلوہ فگن نور اسی نورِ مبیں کا

تا عمر امانت میں نہ کی جس نے خیانت

کیا نام سنا آپ نے ہے ایسے امیں کا

تاریخ کے صفحات سے جو محو نہ ہوگا

شق القمر اعجاز ہے اک خاک نشیں کا

ہے سایہ فگن نورِ نبی لوح و قلم پر

صدقہ ہے یہ کونین اسی سرورِ دیں کا

جو ان کی شفاعت کا طلبگار نہیں ہے

کونین میں برقی نہ رہے گا وہ کہیں کا

فیس بک ٹائمز انٹرنیشنل کی محفل نعت کے ۲۷ ویں سلسلے کے لئے میری نذرِ عقیدت

احمد علی برقی اعظمی

سفرِ حج و مدینے کی دعائیں مانگوں

پھر وہیں مرنے و جینے کی دعائیں مانگوں

جاکے میں ساقیٔ کوثر کے درِ دولت پر

مئے عرفاں وہاں پینے کی دعائیں مانگوں

حجر اسود کی زیارت کی سعادت ہو نصیب

زندگی چین سے جینے کی دعائیں مانگوں

کشتیٔ عمرِ رواں جس میں ہو محفوظ مری

میں وہاں ایسے سفینے کی دعائیں مانگوں

نورِ عرفاں کی تجلی سے رہے جو معمور

ایسے پُرنور میں سینے کی دعائیں مانگوں

دین و دنیا کی سعادت ہو میسر جس سے

ایسے جینے کے قرینے کی دعائیں مانگوں

ہے جو روحانی ترقی کا وسیلہ برقی

ایسے جاکر وہاں زینے کی دعائیں مانگوں

سائبان ادبی گروپ کے ۹۰ ویں عالمی منقبتی مشاعرے کے لئے میری نذرِ عقیدت بحضور سید الشہدا حٖضرت امام حسین رضی اللہ تعالی عنہ

احمد علی برقی اعظمی

جوفرضِ عین تھا وہ نبھایا حسین نے

’’ دینَ محمدی کو بچایا حسین نے ‘‘

خونِ جگر سے سینچ کے میدانِ کربلا

گلزارِ دینِ حق کو سجایا حسین نے

شایاں ہے ان کو سیدِ شبان کا خطاب

جو پاسکا نہ کوئی وہ پایاحسین نے

’’ قتلِ حسین اصل میں مرگِ یزید ہے ‘‘

سچ کرکے اس کو رن میں دکھایا حسین نے

سردے کے راہ حق میں ہیں تاحشر سُرخرو

باطل کے آگے سر نہ جُھکایا حسین نے

نام و نشاں یزید کا باقی نہیں ، جسے

حَرفِ غَلط کی طرح مِٹایا حسین نے

اسلام کی بقا سے نہیں بڑھ کے اپنی جان

حسنِ عمل سے اپنے جتایا حسین نے

شیرِ خدا دکھاتے تھے جو رزمگاہ میں

برقی وہ کام کرکے دکھایا حسین نے

ڈاکٹر احمد علی برقیؔ اعظمی

***

ڈاکٹر احمد علی برقیؔ اعظمی اعظم گڑھ کے ایک ادبی خانوادے سے تعلق رکھتے ہیں۔ آپ کے والد ماجد جناب رحمت الہی برقؔ دبستان داغ دہلوی سے وابستہ تھے اور ایک باکمال استاد شاعر تھے۔ برقیؔ اعظمی ان دنوں آل آنڈیا ریڈیو میں شعبہ فارسی کے عہدے سے سبکدوش ہونے کے بعد اب بھی عارضی طور سے اسی شعبے سے وابستہ ہیں۔۔ فی البدیہہ اور موضوعاتی شاعری میں آپ کو ملکہ حاصل ہے۔ آپ کی خاص دل چسپیاں جدید سائنس اور ٹکنالوجی خصوصاً اردو کی ویب سائٹس میں ہے۔ اردو و فارسی میں یکساں قدرت رکھتے ہیں۔ روحِ سخن آپ کا پہلا مجموعہ کلام ہے۔

Ahmad Ali Barqi Azmi Recites His Naat in The Online International Natia Mushaira Of Sukhanwar Chicago