APNE TARZ E KAAR SE THE SAB MEIN WOH HAR DIL AZEEZ
UN KA ABNA E WATAN KARTE THE BEHAD EHTERAM

MARDW MISSILE BHI THE WOH AUR SADR E MUMLIKAT
ASHHAB E SCIENCR KI THI UN KE HATHOn MEIN LAGAM

UN KA THA YEH TARGET AAINDA 13 SAAL MEIN
HIND KA HOGA TARAQQI YAFTA MULKON MEIN NAAM

CHAHTE THE IS LIYE WHO TECHNOLOGY KA FUROGH
TA KI HO FIKR O AMAL KA IS SE MUSTAHKAM NIZAM

MULK O MILLAT KI TARAQQI UN KA NASBUL AIN THA
JARI O SARI RAHE GA UN KA YUNHI FAIZ E AAM

NAU NIHALAN E WATAN SE UN KO THA BEHAD LAGAAO
UN KI SHAFQAT SE SABHI CHHOTE BADE THE SHADKAAM

KAAM SE THE APNE WOH SARE JAHAANMEIN SAR BULAND
AALAMI TAREEKH MEIN RAUSHAN RAHE GA UN KA NAAM

KARTE KARTE NAGAHAAN TAQREER RUKHSAT HOGAYE
JANNATUL FIRDAUS MEIN UN KO MILEAALA MUQAAM

KHAKSARI KA THI PAIKAR UN KI AMALI ZINDAGI
PESH KARTA HAI UNHEIN AHMAD ALI BARQI SALAM