بزمِ سخنوراں کے ۱۵۶ ویں عالمی آنلاین فی البدیہہ طرحی مشاعرے کے لئے میری طبع آزمائی احمد علی برقی اعظمی





بزمِ سخنوراں کے ۱۵۶ ویں عالمی آنلاین فی البدیہہ طرحی مشاعرے کے لئے میری طبع آزمائی
احمد علی برقی اعظمی
دیکھنے میں شعلہ ہے اور کبھی وہ شبنم ہے
جب سے اُس کو دیکھا ہے اک عجیب عالم ہے
منتشر نہ ہوجائے زندگی کا شیرازہ
تھا جو جانِ جاں میری آج مجھ سے برہم ہے
کردیا مجھے برباد جس کی بیوفائی نے
پوچھتا ہے وہ مجھ سے تجھ کو کون سا غم ہے
جو کبھی نہیں کرتا میری پرسشِ احوال
میرے اس کی دلجوئی زخمِ دل کا مرہم ہے
حالِ دل کی جو میرے کررہی ہے غمازی
مثلِ ابرِ باراں وہ میری چشمِ پُرنَم ہے
ہے وہ مُفسدِ دوراں آج ایک درپردہ
صلح کا لئے اپنے ہاتھ میں جو پرچم ہے
یاد ہے مجھے برقیؔ اب بھی اس کی سرگوشی
اُس کی نقرئی آواز سازِ دل کا سَرگم  ہے

Dr. Ahmad Ali 'Barqi' Azmi is an eminent Urdu broadcaster and poet. He has been working with the All India Radio for more than three decades. His father, Mr. Rehmat Ali Barq was an well-known poet and belonged to the Dabistan-e-Dagh. Barqi is a poet of international fame, known mainly for his prowess to compose verses on the spot (Filbadeeh poetry). Rooh-e-Sukhan is his first collection of poetry.

شاید آپ کو یہ بھی پسند آئیں