Wednesday, January 25, 2012

EK JASHN E BA WAQAR HAI 26JANUARY



EK JASHN E BA WAQAR HAI 26JANUARY
AHMAD ALI BARQI AZMI

EK JASHN E BA WAQAR HAI 26 JANUARY
EK WAJH E IFTEKHAR HAI 26 JANUARY

PARCHAM GUSHAII KIJIYE HAR JA BASAD KHULUS
MIZAAN E AITEBAR HAI 26 JANUARY

DASTOOR E HIND KA THA ISI DIN HUA NEFAAZ
IS KI HI YAADGAAR HAI 26 JANUARY

DUNIYA MEIN HAI JO HIND KI AZMAT KA EK NISHAAN
WOH JASHN E SHAANDAR HAI 26 JANUARY

GULHA E RANGA RANG HAIN IS KE NAZAR NAWAAZ
SAB KE GALE KA HAAR HAI 26 JANUARY

SAB KE SUKOON E QALB KA BAIS HO YEH NA KYON
EK NAKHL E SAYA DAAR HAI 26 JANUARY

JITNA BHI DIL LAGANA HAI IS SE LAGAIYE
BAS PYAR PYAR PYAR HAI 26 JANUARY

JITNA BHI KOII NAAZ KARE IS PE HAI WOH KAM
BARQI TERA WAQAAR HAI 26 JANUARY

No comments: