Thursday, October 23, 2014

DIYA DILON MEIN HO JALWA NUMA DIWALI KA:AHMAD ALI BARQI AZMI

DIYA DILON MEIN HO JALWA NUMA DIWALI KA
AHMAD ALI BARQI AZMI
SUROOR SAB PE HAI CHHAYA HUA DIWALI KA
SABHI KE SAR PE CHADHA HAI NASA DIWALI KA

MANA RAHE HAIN SABHI JASHN KAMRANI KA


NISHAT BAKHSH NA KYON HO MAZA DIWALI KA

NISHAN E TEERGI MIT JAYE KAASH DUNIYA SE
RAHE HAMESHA YEH ROSHAN DIYA DIWALI KA

MANAEIN SHAH O GADA MIL KE JASHN E DIWALI
DIYA KOII NA HO CHHOTA BADA DIWALI KA

KISI KA GHAR NA JALE SAB HON SHAD AUR AABAAD
SAMAAN NAZAR MEIN RAHE JA BAJA DIWALI KA

MAIN PESH KARTA HOON HAR SHAKHS KO MUBARAKBAD
DIYA DILON MEIN HO JALWA NUMA DIWALI KA

HAI SIDQ DIL SE HAMESHA DUA YEH BARQI KI


BAR AAYE KAASH JO HAI MUDDA,AA DIWALI KA

No comments: