Wednesday, September 24, 2008

Ghazal:Dr.Ahmad Ali Barqi Azmi




Ghazal

Dr.Ahmad Ali Barqi Azmi

Main banker rah gaya hoon ek tamasha sab tamashaaii

Junoon e shauq hai yeh beneyaaz e khauf e ruswaaii

Kaheen aisa na ho yeh raaz tash az baam ho jaye

Karoon soz e duroon par kis tarah main khama farsaaii

Na pooch aye hamnasheen kaise guzarti hai shab e furqat

Bahut sabr aazmaa hota hai yeh ehsaas e tanhaaii

Achanak dawat e nazzarah jab deta hai woh mujhko

Nahin rahti basa auqaat mujh mein tab e goyaaii

Jidhar jao udhar wahshat gareebaangir hoti hai

Junoon e ishq ne mujhko bana dala hai saudaaii

Woh khud wada shikan hai phir bhi mujh se poochhta hai yeh

Kahaan itne dinon the aaj meri kaise yaad aaii

Kamaan e zindagi hai meri uske haath mein tab se

Hui jis roz se BARQI meri us se shenasaaii

No comments: