Wednesday, August 20, 2008

GHAZAL by Dr.Ahmad Ali Barqi Azmi



Ghazal

Dr.Ahmad Ali Barqi Azmi

Likh raha hoon main wahi padta hai jis se sabqa

Zindagi is daur mein dar asl hai ek haadsa

Tarjuman e zindgi hai ahd e hazir mein ghazal

Gardish e haalaat par asri adab hai tabsara

Zindah hote “Mir Anis” is daur mein to woh bhi aaj

Sirf likhte soz o saaz e zindagi ka marsia

Hai bahut sabar aazma us sangdil ka intezar

Aazmata hai mujhe hai mujh mein kitna hausla

Sirf mujhko murid e ilzam thahrata hai woh

De raha hai woh meri qurbaniyon ka yeh sila

Meri roodad e alam naguftah beh hai in dinon

Lamha lamha zindagi ka hai meri ek saneha

Sochta hoon kuchh likhoon phir sochta hoon kya likhoon

Band hai Ahmad Ali barqi mera ab naatqa

No comments: