اُم المومنیں خدیجتہ الکبریٰ رضی اللہ تعالیٰ عنہا کے یوم وصال کی مناسبت سے سائبان ادبی گروپ کے ۷۶ ویں عالمی آنلاین فی البدیہہ طرحی مشاعرے کے لئے میرا نذرانۂ عقیدت احمد علی برقی اعظمی


اُم المومنیں خدیجتہ الکبریٰ رضی اللہ تعالیٰ عنہا کے یوم وصال کی مناسبت سے سائبان ادبی گروپ کے ۷۶ ویں عالمی آنلاین فی البدیہہ طرحی مشاعرے کے لئے میرا نذرانۂ عقیدت
احمد علی برقی اعظمی
اہلِ ایماں کی ماں خدیجہ ہیں
سر پہ اک سائباں خدیجہ ہیں
گلشنِ دیں اُنھیں سے ہے سرسبز
جس کی اک باغباں خدیجہ ہیں
دینِ فطرت کو تقویت دے کر
اس کی تاب و تواں خدیجہ ہیں
ہے زباں گُنگ اور قلم ساکت
ہم کہاں اور کہاں خدیجہ ہیں
سرورِ دیں کی ہیں شریکِ حیات
جن کی اک رازداں خدیجہ ہیں
اک طرف میہماں رسولِ خدا
اک طرف میزباں خدیجہ ہیں
ہے جو عنوان شفقتِ مادر
ایسی اک داستاں خدیجہ ہیں
مادرِ جملہ ملتِ بیضا
برقؔ و برقیؔ کی جاں خدیجہ ہیں


Dr. Ahmad Ali 'Barqi' Azmi is an eminent Urdu broadcaster and poet. He has been working with the All India Radio for more than three decades. His father, Mr. Rehmat Ali Barq was an well-known poet and belonged to the Dabistan-e-Dagh. Barqi is a poet of international fame, known mainly for his prowess to compose verses on the spot (Filbadeeh poetry). Rooh-e-Sukhan is his first collection of poetry.

شاید آپ کو یہ بھی پسند آئیں