بزمِ سخنوراں ادبی گروپ کے ۱۲۱ ویں عالمی آنلاین فی البدیہہ طرحی نعتیہ مشاعرے بتاریخ ۲۷ مئی ۲۰۱۸ کے لئے میری طبع آزمائی : احمد علی برقی اعظمی


بزمِ سخنوراں ادبی گروپ کے ۱۲۱ ویں عالمی آنلاین فی البدیہہ طرحی نعتیہ مشاعرے بتاریخ  ۲۷ مئی ۲۰۱۸ کے لئے میری طبع آزمائی
احمد علی برقی اعظمی
تخلیق ہوا جن کے لئے کون و مکاں ہے
’’ سرکار کی مِدحت میں قلم میرا رواں ہے ‘‘
نام اُن کا بہ فیضانِ خدا جُزوِ اذاں ہے
سرکار دوعالم کی یہ عظمت کا نشاں ہے
مداح ہو جس ذات کا خلاقِ دوعالم
ایسا کوئی محبوبِ خدا اور کہاں ہے
وہ سورۂ کوثر ہو کہ یٰسیں کہ مزمل
قرآن کی آیات سے یہ سب پہ عیاں ہے
ہے نامِ خدا اور نبی لازم و ملزوم
خود دیکھ لیں یہ کلمۂ طیب سے عیاں ہے
کوئی بھی بَجُز ان کے نہیں شافعِ محشر
ہر صاحبِ ایماں کے یہی وِردِ زباں ہے
وہ نور جو ہے باعثِ تخلیق دوعالم
برقیؔ ہی نہیں سب کے لئے روحِ رواں ہے


Dr. Ahmad Ali 'Barqi' Azmi is an eminent Urdu broadcaster and poet. He has been working with the All India Radio for more than three decades. His father, Mr. Rehmat Ali Barq was an well-known poet and belonged to the Dabistan-e-Dagh. Barqi is a poet of international fame, known mainly for his prowess to compose verses on the spot (Filbadeeh poetry). Rooh-e-Sukhan is his first collection of poetry.

شاید آپ کو یہ بھی پسند آئیں