شبلی کی یادگار ھے دارالمصنفین
شبلی کی یادگار ھے دارالمصنفیناز
ڈاکٹر احمد علی برقی اعظمی
9/598ذاکر نگر، نئی دھلی
شبلی کی یادگار ھے دارالمصنفین
شبلی کا شاھکار ھے دارالمصنفین
سوغات جس ادارے کی ھے سیرت النبی
وہ فخرروزگار ھے دارالمصنفین
جسکا کتابخانہ ھے اک گنج شایگاں
وہ در شاھوار ھے دارالمصنفین
کرتے ھیں جس سے اھل نظر اکتساب فیض
وہ بزم باوقار ھے دارالمصنفین
اظھار فکروفن کا معارف ھے ترجماں
اردو کی پاسدار ھے دارالمصنفین
اردو ادب کے جتنے ادارے ھیں ھند میں
ان سب میں شاندار ھے دارالمصنفین
ان کے لۓ جنھیں ھے زبان و ادب سے عشق
پرکیف و سازگار ھے دارالمصنفین
قایم دیار شرق کی ھے جس سے آبرو
وہ وجہ افتخار ھے دارالمصنفین
احمد علی ھے اس کے محاسن کا قدرداں
میزان اعتبار ھے دارالمصنفین
