Tuesday, February 19, 2008

شبلی کالج کی نمایاں شان ھے

شبلی کالج کی نمایاں شان ھے
از
ڈاکٹر احمد علی برقی اعظمی
598/9 ذاکر نگر، نئی دھلی

شبلی کالج کی نمایاں شان ھے
شھر اعظم گڈہ کی جو پھچان ھے
ھے یہ شبلی کی روایت کا امین
اس لئے سب سے عظیم الشان ھے
ھے یہ ان کا ایک علمی شاھکار
جس کا جاری ھر طرف فیضان ھے
تھے وہ سر سید کے سچے جانشین
جن کا ملک وقوم پراحسان ھے
تھے وہ عصری آگھی کے ترجمان
عھد نو کا آج جو رجحان ھے
ھے یہ کالج ان کا میدان عمل
جس پہ ھر اھل نظر قر بان ھے
ھے یھاں پر آج سب کچہ دستیاب
جو بھی اھل ذوق کاسامان ھے
اقتضاۓ وقت ھیں عصری علوم
جو نہ اپناۓ انھیں نادان ھے
آئۓ اپنائیں ھم سائنس کو
عھد حاضر کا یھی فرمان ھے
آئی ٹی کا ھے زمانہ آج کل
آج جو ھر علم و فن کی جان ھے
جو بھی حاصل ھے مجھے احمد علی
شبلی کالج کا ھی وہ فیضان ھے

No comments: