Saturday, February 23, 2008

بصد خلوص و نیاز محترم پروفیسر شمیم حنفی

بصد خلوص و نیاز محترم پروفیسر شمیم حنفی
کی نذر
از
ڈاکٹر احمد علی برقی اعظمی
ذاکر نگر ، نئی دھلی

شمیم حنفی ھیں اردو ادب کی وہ آواز
ھمیشہ اھل نظر کو رھے گا جن پر ناز
جھان شعر و ادب میں وہ ھیں بھت ممتاز
سپھر علم پہ انکی بلند ھے پرواز
ھر ایک صنف ادب پر قلم ھے ان کا رواں
ھے ان کا طرز بیاں روح عصر کا غماز
وہ عھد نو میں ھیں معیار فکر و فن کے نقیب
اسی لئے انھیں حاصل بھت سے ھیں اعزاز
قدم بڑھائے تو مڑ کر کبھی نھیں دیکھا
اگر چہ راہ میں آئے بھت نشیب و فراز
بنائی رھگذر اپنی نئی سوئے منزل
ھمیشہ ساز بنایا اسے جو تھا نا ساز
ھیں متفق سبھی اس بات پر وہ ھیں برقی
سخن شناس، ادب دوست، صاحب اعجاز

No comments: