کس طرح ذکر کروں میں شبِ تنہائی کا : کلاسیکی ادبی روایت کی آئینہ دار ایک فی البدیہہ غزل مسلسل : احمد علی برقی اعظمی



کلاسیکی ادبی روایت کی آئینہ دار ایک فی البدیہہ غزل مسلسل
احمد علی برقیؔ اعظمی
کس طرح ذکر کروں میں شبِ تنہائی کا
حوصلہ اب نہ رہا صبرو شکیبائی کا
ایسے معشوق سے اللہ بچائے سب کو
حال کیا اُس نے کیا اپنے ہی شیدائی کا
وہ رُلاتا ہے کبھی اور ہنساتا ہے کبھی
عجب انداز ہے اُس کی یہ پذیرائی کا
ہر کوئی کرتا ہے انگشت نمائی مجھ پر
سامنا کیسے کروں ذلت و رسوائی کا
کہیں وامقؔ ، کہیں عذرا ؔ کہیں شیریںؔ فرہادؔ
سرمۂ چشم ہیں عشاق کی بینائی کا
آج تاریخِ ادب کی وہ بنا ہے زینت
کوبکو ذکر ہے اُس قیس سے شیدائی کا
عمر بھر ٹوٹ کے چاہا جسے میں نے برقیؔ
یہ صلہ مجھ کو مِلا اُس سے شناسائی کا



Dr. Ahmad Ali 'Barqi' Azmi is an eminent Urdu broadcaster and poet. He has been working with the All India Radio for more than three decades. His father, Mr. Rehmat Ali Barq was an well-known poet and belonged to the Dabistan-e-Dagh. Barqi is a poet of international fame, known mainly for his prowess to compose verses on the spot (Filbadeeh poetry). Rooh-e-Sukhan is his first collection of poetry.

شاید آپ کو یہ بھی پسند آئیں